الأحد، 30 أغسطس 2009

مبطلات الصوم



سلام عليكم
بما اننا فى رمضان وكل سنه وانتم طيبين انا قلت اكتبلكم بعض احكام الصيام الى ممكن تنفعكم ان شاء الله فى رمضان

انا كنت قبل كده اتكلمت عن رمضــــان و الصيـــام

وان شاء الله النهارده نتكلم عن مبطلات الصوم


هانقسم مبطلات الصوم الى قسمين


الاول : وهو ما يبطل الصوم ويوجب القضاء فقط (يعنى يصوم يوم بدل اليوم ده بعد رمضان )
وهو


1-الاكل والشرب عمدا


لان طبعا لو كان ناسي ليس عليه كفاره بيكلم يومه عادي


زي ما قال رسول الله صلى الله عليه وسلم
من أكل ناسيا ، وهو صائم ، فليتم صومه ، فإنما أطعمه الله وسقاه
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6669خلاصة الدرجة: صحيح

2- القيء عمدا:

لو كان القيء غصب عنه لا يوجب القضاء ولا يبطل الصوم اصلا وبيتم صومه عادي
انما لو كان القيء عمدا يبطل الصوم ويوجب القضاء
لان الرسول عليه الصلاة والسلام قال
من استقاء عامدا فعليه القضاء ومن ذرعه القيء فلا قضاء عليه
الراوي: أبو هريرة المحدث: ابن العربي - المصدر: عارضة الأحوذي - الصفحة أو الرقم: 2/179خلاصة الدرجة: صحيح

3- الحيض والنفاس : ولو حاضت المرأه مثلا قبل الغروب بدقيقه فيبطل صيامها وتعيد اليوم تاني مع باقي ايام الحيض طبعا او النفاس

4- الاستمناء : بشرط يكون الشخص عمد الى ذلك . يعنى استمنى بالقصد وسعى اليه . اما اذا حصل الانزال بدون اي تدخل منه بحلم مثلا او حتى لمجرد النظر فده لا يبطل الصوم ولا يوجب شيء وكذلك المذي لا يبطل الصيام .

5- اي شيء ينزل الجوف عمدا حتى لو لم يكن طعام ده يبطل الصوم ويوجب القضاء


6- من نوى الفطر : حتى لو ما فطرش فعلا لكن نوي انه يفطر كده راح عليه صيام اليوم ده ويجب عليه القضاء لان النيه ركن من اركان الصيام
7- اذا اكل او شرب او جامع ويظن ان المغرب حان او ان الفجر لم يأذن بعد فعليه القضاء عند جمهور العلماء
(الا ان فى بعض الاراء بتقول انه مافيش عليه قضاء كمان وده لو ادخلنا ده تحت بند السهو والخطأ المرفوع عننا )


ثانيا : ما يبطل الصوم ويجب القضاء والكفاره


وحاجه واحده بس الى توجب ده عند جمهور الفقهاء وهو الجماع فى نهار رمضان


وخلينا نقول موقف مع الرسول نفهم منه الموضوع


جاء رجل إلى رسول الله صلى الله عليه وسلم فقال : هلكت ، فقال : ( وما ذاك ) . قال : وقعت بأهلي في رمضان ، قال : ( تجد رقبة ) . قال : لا ، قال : ( فهل تستطيع أن تصوم شهرين متتابعين ) . قال : لا ، قال : ( فتستطيع أن تطعم ستين مسكينا ) . قال : لا ، قال : فجاء رجل من الأنصار بعرق - والعرق المكتل - فيه تمر ، فقال : ( اذهب بهذا فتصدق به ) . قال : أعلى أحوج منا يا رسول الله ؟ والذي بعثك بالحق ، ما بين لابتيها أهل بيت أحوج منا ، ثم قال : ( اذهب فأطعمه أهلك ) .
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6710خلاصة الدرجة: [صحيح]


دي الروايه بالنص نحكيها بقى بالراحه عشان نفهمها


واحد راح للرسول عليه الصلاة والسلام وقاله الحقنى انا جامعت زوجتي فى رمضان
فقال له الرسول ان يعتق رقبه عبد من العبيد او يصوم شهرين متتابعين او يطعم ستين مسكينا
لكن الرجل قال انه ما يقدرش يعمل كل ده
فالرسول اعطاه عرق بلح ( العرق يعنى 15 صاع والصاع ده مكيال زي الكيلو وكده ما علينا ) قاله اتصدق به

فالرجل قاله مافيش حد فى المدينه كلها افقر مننا
فالرسول ضحك وقاله اطعمه اهل بيتك .

الحديث ده فيه نقط مهمه جدا
اولا: حكم من جامع زوجته فى نهار رمضان هو القضاء والكفاره والكفاره الى هى عتق رقبه او صيام شهرين متتاليين او اطعام ستين مسكينا

ثانيا : سقوط الكفاره عن الشخص الى فعلا مش قادر عليها (الا ان فى بعض الاراء برضه بتخالف الراي ده)

ثالثا : هو ان هل الكفاره تجب على الزوجه كمان ؟
الحقيقه الموضوع فيه الرايين
فى راي بيقول لو كانت الزوجه مجبره فلا عليها كفاره ولكن عليها القضاء وانما لو كانت مختاره ومتعمده هى كمان تجب عليها ايضا القضاء والكفاره

وفى راي تاني بيقول ان مجبره كانت اولا فهما الاثنين عليهم كفاره واحده بيقضيها الزوج وده راي الشافعي واستناده للحديث السابق حيث ا ن الرسول لم يشير الى ان الزوجه كمان عليها كفاره .

ويارب اكون انا كلامي سهل عليكم وما اكونش طولت عليكم وافدتكم فعلا و كل سنه وانتم طيبين وربنا يتم عليكم رمضان بالخير ان شاء الله

والمره الجايه ان شاء الله هانتكلم عن احكام قضاء رمضان


اه وعلى فكره مرجعي فى الموضوع ده هو كتاب فقه السنه للسيد سابق لو حد حب يقرا اكتر


هناك 18 تعليقًا:

  1. جزاكم الله خيرا
    ربنا ينفع بيكي
    ورمضان كريم

    ردحذف
  2. بارك الله فيكى يا أختنا الفاضله و جعله فى ميزان حسناتك ..
    تقبلى تحياتى و دعواتى لك دائما بالطيبات ..

    ردحذف
  3. جزاكى الله كل خير عننا
    بوست مميز

    ردحذف
  4. كل سنه وانتي طيبه ياروح قلبي
    وموضوعك مهم جدا
    وعندي سؤال وقبل اي حاجه لا حياء في العلم
    واعذريني لاني بجد مش فاهمه
    ممكن تشرحيلي السبب الثالث ويعني ايه المذي...؟؟؟؟
    يمكن السؤال عن جهلي ويمكن تشابه كلمات عندي
    بس انتي زي اختي الكبيره ومافيهاش حاجه لما اسألك
    صح ولا انا غلط..؟؟

    ردحذف
  5. عمرو

    وبارك فيك وعليك ان شاء الله يا استاذنا ومتشكره اوي

    وزعلااانه اوي

    ردحذف
  6. ضكتور جدا

    متشكره اوي وجزاكم كل الخير والله اكرم

    نورتنا

    ردحذف
  7. انا ودماغي

    وجزاكم مثليه يا جميل متشكره اوي ونورتي

    ردحذف
  8. عاشقه وغلبانه

    لا لا لا يا جميل انا تحت امرك

    ولو ما سألتيش تبقى غلطااااااانه طبعا

    كانت عائشه بتقول رحم الله نساء المدينه لم يمنعهم حياؤهن من التفقه فى الدين

    انتى بتقولي عايزه تفهمى السبب الثالث

    الثالث كان الحيض والنفاس الدوره الشهريه والولاده

    جايز انتى تقصدي الرابع الى هو الاستمناء

    والاستمناء هى ممارسه العاده السريه .
    او بمعنى تاني تعمد استثارة العضو التناسلي واثارته حتى الوصول للقذف فعلا
    وده الى ممكن يبطل الصيام

    انما لو حصل قذف بدون تعمد اثارة العضو التناسلي او تعمد النظر لمحرمات او حصل احتلام يعنى قذف اثناء النوم

    ده لا يبطل الصيام

    والمذى هو سائل لزج بينزل من الرجل فى حالة وجود اثاره

    فهمتي يا جميل ولا ايه ؟؟

    عموما لو فى اي سؤال تاني انا جاهز

    واميلى اهو sbarny_yarb@yahoo.com

    طبعا انتى اختي الصغيره اوعي تتنازلي عن حقك فى السؤال يا جميل

    مستنياكي

    ردحذف
  9. جزاك الله عنا خيراً وبالمناسبة السعيدة دي احنا لازم نفطر في المدونة دي يوم بس يكون فيه حاجات جامدة :)

    جعله الله في ميزان حسناتك

    تحياتي :)

    ردحذف
  10. تامر علي

    والله والله والله نفسي فعلاااااا

    يعنى اوعدك اول ما ينفع اعمل كده هاعمل كده واعزمكم على الفطار عندي

    الله يكرمك ونورت

    ردحذف
  11. موضوع جميل ومفيد
    جزاكي الله خيرا

    ردحذف
  12. وجزاكم مثليه يا كوشيا ربنا يكرمك

    ردحذف
  13. السلام عليكم
    موضوع رائع
    وجهد مشكور
    جعله الله فى ميزان حسناتك
    خالص تقديرى

    ردحذف
  14. اللؤلؤه

    متشكره اوي ربنا يكرمك

    كل سنه وانت طيب

    ردحذف
  15. هاتفيك جدا

    http://noureldens.maktoobblog.com

    ردحذف
  16. انا جديد على الموقع لكن عجبنى الموضوع وارجو قرأت الكثير وجزاك الله كل خير وشكرا

    ردحذف
  17. نور

    نورتي او نورت

    وربنا يكرمك

    ردحذف
  18. الاول : وهو ما يبطل الصوم ويوجب القضاء فقط (يعنى يصوم يوم بدل اليوم ده بعد رمضان )
    وهو



    1-الاكل والشرب عمدا

    -------

    السلام عليكم

    طب ازاااااااااي بقى الكلام دا

    يا افندم الأكل والشرب عمدا يوجب القضاء والكفارة

    ردحذف